رواية جبروت دموعها الفصل السادس
رواية جبروت دموعها الفصل السادس
رواية جبروت دموعها
#رواية_جبروت_دموعها
ويقول ،: يا أما !!!! يخرب بيتك !! عرفتك هي بغباوتكها بشكلها العكر “
سنية تقوم من علي الكرسي وتذهب لمحمد : قوم يا أرخم خلق الله إطلع بره ، وإلا همسح بكرامتك الارض ،، وهفرج عليك أمة لا إله إلا الله
محمد ينظر لفيولا ويوجه لها الكلام : إيه !؟! الضمير !؟! السمعة !؟!
فيولا توجه كلامها لسنية بسرعة : خلاص يا حاجة سيبيه هي 3 دقايق وأخلص
“وترجع سنية وهي في حاله غيظ شديد ، الكل في حالة استغراب شديد ” زيزي لنهله : هي ساكتاله ليه ؟؟؟ أنا أموت وأعرف
نهله : بقولك إيه خلي اليوم ده يعدي علي خير ،،، إحنا مالنا
“محمد ينظر للبنات الموجوده وهو متمالك نفسة بصعوبة شديدة وفجأة يدخل د. علاء “
محمد : الحمد لله العريس جه أهوة ،، ويوجه كلامه لعلاء : هي خلصت ” ثم يوجه كلامه لمدام فغيولا ” خلاص ولا إيه يا مدام فيولا
في تردد : أه أه خلصت ،، دقيقة واحدة بس ،، ويقف علاء بجوار محمد وينظر الجميع لهم وبعد لحظات تقول فيولا : اتفضل يا عريس تعالي خد عروستك
محمد : سمعونا زرغوده يا بنات
“ويمسك علاء يد عروسته ويخرج الجميع من الكوافير ومحمد يحاول أن يمسك يد نهي مثل علاء لكنها تتهرب بخجل ويصطدم بزوجة عمه سنيه ويهرب منها بصعوية شديدة”
ثم يتوجه الجميع الي السيارات وهنا سيارة العروسين التي بها شرائط الزينة والورود ،، ومعها بعض وميلاتها ومحمد أمام سيارة علاء التي يقودها ويقول لسنية : اتفضلي يا حاجة تعالي هنا معايا في عربية علاء
سنية : لو مفيش غيرك مش هركب معاك أنا هركب مع ابني علاء
محمد يوجه كلامه لنهي : عمتك هتركب مع ابنها العريس انتي بقي هتركبي فين ،، بصي تعالي معايا
سنية : ملكش دعوة بيها ،، ولم نفسك ،،
” تذهب سنيه ومعها نهي الي سيارة العروسين فلم تجد لها مكان وتطلب من علاء أن تجلس معه في سيارة العريس مثلما فعل من حماته د.سعاد ،، وينزل علاء من العربية ليجد لوالدته سنية مكان في سيارته لكن محمد يتدخل ويوجه كلامه لسنية : انتي عاوزا تبوظي فرح ابنك يا هبله سنية تمسك محمد من الجاكيت وتقول له : أنا هبله يا يا أهبل يا ابن الهبله
محمد يسحب ايد سنية : اوعي ايدك دي ،، أنا مالي يا ستي روحي بوظي فح ابنك زي ما أنتي عاوزه ،، ” محمد يتحرك نحو سيارته ويترك سنية محتاسة ، وتقول لابنها علاء أدخل انت واركب عربيتك جنب عروستك علاء محتاس بين عروسته ووالدته ،، وسنية تقول : يانبي اركب انا هشوف عربية تانيه اسمع الكلام بقي
رواية جبروت دموعها الفصل السادس
ويركب علاء في السيارة ويجلس بجوار عروسته الجميلة ، ويمسك بيديها وينظر لعينيها ، لكن يفيق في لحظة ويتابع موقف سنية المحتاسة التي تنظر لباقي السيارات ولم تجد وفجأة يظهر محمد ويقف أمامها وينظر لسنية وهو في شماته “
محمد : إيه تركبي معايا ،، ولا تاخديها للقاعة مشي يا عسل انتي
سنية :تذهب الي باب السيارة وتقول لمحمد : إتنيل إركب ،، ما أسمعش حسك ،، فاهم ؟!!!
يركب محمد وينظر لنها ويفتح الباب الذي جنبه لنهي ويقول لها : تعالي يا نهي جنبي هنا
سنيه تسبق نهي وتركب علي الكرسي الذي بجوارة وتقول له : انا اللي هقعد جنبك وعلي نفسك وانتي يا نهي إركبي ورا
“وتوجه ىسنية كلامها لمحمد ” أنا بقولهالك تاني إتلم وإتأدب
” ويبدأ موكب العريس يتحرك ومحمد معه نهي وسنية “
“محمد ينظر لنهي وزوجه عمه تضربه علي صدره ضربة بسيطة “
نهي علي استحياء : انت شقي أوووي يا محمد
محمد : والله كنت شقي ؟؟ و كنت يعني ،، فعل ماضي وانتهي !! وربنا هداني خاااالص
نهي : كده وربنا هداك ؟؟
محمد : كده ايه وأنا بعمل حاجة دأنا غلباااااااااااان
سنية : بقي أنت غلبان ،، دأنت تعبان
محمد : لو أنا تعبان يبقي أنتي حية
سنية : حية يا كلب
نهي : يوووه بقي انتو ديما كدا مع بعض ؟؟ نفسي انتو الاتنين مش هتبطلوا بقي احنا في فرح علاء
سنية : صح يا بنتي عندك حق ،، كله يهزن علشان خاطر علاء
محمد : بصي يا طنط يا حبيبتي ، أنا والله اتغيرت إنتي ليه مش مصدقة ،، وبصراحة حصل اللي عمري ما توقعته
نهي : حصل إيه يعني !!!
محمد : جاتلي سخونية فجأة النهاردا ،، أثرت علي مخي وإتبدل ،، بدل ماكان شمال بقي شمالين !!! “ويغني” شمالين ،، شمالين دول ولا عنين ،، قلبي بيسألني عليك ،، أتاريني بفكر فيك
نهي : أنت بتحب عمرو دياب !!!
محمد :: أوووي ،،، انا بحب عمرو دياب ونهي دياب ،، وعيلة دياب كلها
سنية تضربة بقوة في قلبة : أتلم يا بغل
محمد : أأه أه أه ياقلبي ” ويمثل أن قلبة بيوجعه “
نهي : مالك في ايه
محمد بنوع من الحنية الخفية والظاهرة وينظر اليها ويقول : قلبي بيوجعني
سنية : جاك وحع قلبك ،، ركز في السواقة وإلا هتشوف معايا أيام سودة
محمد : حاضر ، حاضر هو في كده يا جدعان ،، اتخرست اهوووو” ويضع يده علي فمه ” أهوووووو
ويجوب موكب العروسين شوارع الاسكندرية وعلاء وهناء في قمة السعادة انه يوم العرس أجمل أيام حياتهم ومحمد ونهي في نظرات متبادلة وسنية تتابع الموقف ولم يعجبها تعلق نهي بمحمد والموتسيكلات تتقدم الموكب الي أن تذهب الي مدخل المنتزه من الكورنيش ،
وبعض المدعويين جالسين في أجمل قاعة في الأسكندرية ،، القاعة الصيفية وشارع المنتزه بأكمله محاط بالأنوار المبهجة والورود في استقبالا العروسينوالقاعة ممتلئة بالمدعويين من كل شكل ولون ويغلبهم الطابع الراقي وتوجد موسيقي هادئة داخل القاعة وأغاني عاطفية وهادئة لـ” مصطفي قمر وعمرو دياب وايهاب توفيق ومحمد فؤال واليسا وسميرة سعيد وراغب علامة وايهاب توفيق ” وتغلق هذه الأغاني وينظر الحضور بعضهم لبعض في ترقب وفي سؤال واحد
ماهذا الصمت الرهيب الذي حدث فجأة !!!!!!!!!؟
